BENADADI. seu BEN-ADAD

BENADADI. seu BEN-ADAD

Rex Syriae Damascenae III. filius Tabremo, Asam Iudae Regem contra Baesam, Regem Israelis iuvit, cum 32. Regulis vicims obsedit Samariam, unde, postquam duras nimis conditiones Achabo proposuisset, ab hoc depulsus; annô post iterum caesus 100000, suorum amissis, veniam petiit. Quam cum Achabus, contra Dei mandatum, indulsisset, ab eodem occisus est in praelio. A. M. 3138. 1. Reg. c. 15. et 29. Larine filius sonitus, aut clamoris, vel dilecti, vel patrui, vel mamillae. Idem Iosepho Ader, Iud. Antiq. l. 9. c. 2. Ruffino Adezer, Iustino Ador seu Adores, l. 36. c. 2. iuxta Hazaelem successorem suum (a quo panni humectati iniectu, suffocatus est) divinis honoribus a Syris post obitum, excultus, ut dicemus infra voce Hazael. Plura apud Ioh. Marshamum Canone Choron. Sec. XIII. ubi de Regibus Damasci, nec non supra vocibus Adad, Adadus, Ader.